Ko ā Mātau Tūtohu
Government planning and support for housing on Māori land. Ngā whakatakotoranga kaupapa me te tautoko a te Kāwanatanga ki te hanga whare i runga i te whenua Māori.
- Kei te tūtohu mātau ki ngā tari kāwanatanga kei te tautoko i te kaupapa nei me te tohutohu kia whakakotahitia ā rātau mahi ā-rohe kia:
- kotahi noa iho te rōpū hei pūtahi whakapā mō te Māori e hiahia ana ki te hanga whare i runga ake i ō rātau whenua;
- whakaaetia tētahi tikanga mahi hei whakarite ko wai, mō āhea hoki ka mahi ngātahi me ngā Māori e hiahia ana ki te hanga whare i runga i ō rātau ake whenua;
- whakatūria he kaimahi pūkenga nui, ā, he tino mōhio ki tēnei mahi, kia tino pai ai ngā whakamōhio me ngā tohutohu ka puta ai.
- Kei te tūtohu mātau kia āhua ngāwari kē atu ngā mahere ā-rohe e whakatakotoria e ngā tari kāwanatanga ā-rohe kia tarea te hanga whare i runga i te whenua Māori.
- Kei te tūtohu mātau kia āta kimihia e ngā tari kāwanatanga ā-rohe ngā rangatira whenua kei ā rātau ngā whenua pai, ā, e hiahia ana kia hangaia he whare ki runga whenua Māori, kia pai ai hoki tā rātau mahi ngātahi me aua tāngata.
- Kei te tūtohu mātau kia āhei te Tari Kaupapa Whare kia tōtika tonu tā rātau tuku pūtea hei tautoko kaupapa:
- kia tau te tuku tautoko ki te āhuatanga ā-pūtea o te kaitono Māori kia nui kē atu ngā rōpū Māori me ngā nohoanga kāinga ka whiwhi pūtea;
- ki te whakawātea he pūtea tautoko mehemea he here utu kei te tāmi i te kaitono;
- kia waihangatia te pūtea tautoko kia tū motuhake te kaupapa hanga whare.
- Kei te tūtohu anō mātau kia mahi tahi ai te Tari Kaupapa Whare ki ngā tari kāwanatanga hei whakapakari i ngā rōpū Māori e hiahia ana ki te hanga whare, e hiahia anō hoki ki te whakatō i taua kaupapa. Kia tau anō tēnei āhuatanga mā ngā Māori he whakahaere te kaupapa whakatū whare ki te āhua o ngā ture me ngā mahinga, kia oti pai ai te hanga ki runga whenua Māori.